و ف يوم حمامة السلام زاد عليها الحمل
غابت عنا و هي بتوزع حمل حمل
تعبت شيل و حط..تعبت فحت و هد
تفتكروا هتوصل رسالتها?!
بدات الحمامة مع غصن الزيتون
ف بلد اغصان الزيتون
اللي اغتصبها عدونا الملعون
بلادنا اللي ياما قلنا عليها عربية
و الكل اتخلي عنها و سابها ف خيبة قوية
و فضلت بلادنا تصرخ و تبكي انا عربية! انا عربية!
دهور و ايام
تصرخ حمامة السلام
انا رمز الوئام
يقولوا لها يلا سلام
سابت بلد اغصان الزيتون
و راحت لقت العدو الملعون
داير يخرب بكل جنون
ف عالمنا العربي الحنون
دخلت ارض الفرات تدعي
و لاحدش قال امين
دخل المجنون من غير ما يدعي و ساب من وراه الكل حزين
حمامتنا دايما مجنونها يسبقها
راح حط ع حتة تانية يسرقها
طايرة وراه من هنا لهناك..وصل بلادنا اللي بتستنجد
زعلت حمامتنا ع الشام حبيبتنا
و دارت تخبط ع كل باب حتتنا
و نداها دايما مردود عليه بخيبتنا
زعلت اوي حمامتنا و مرة سالتنا:
هتفضلوا واقفين ورا البيبان
لحد ما تاكلكم الديدان
او يحس بفرقتكم عدونا الجبان
و زعلتها اجابتنا:
اجابة مليانة اصل و فصل
و بقينا بنعمل ف بعض كل فصل و فصل
ردت حمامتنا:
ااااااه و اااااااه ع الاصل و الاصالة
لما نبقي ف زمن زادت فيه الخثة و الندالة
بتصرخي و تبكي..طب لمين يا حمامتنا!
دي كل الاذان متغطية
سامعة بس مخبية و
مدارية خيبتها القوية!
جريت حمامتنا المرة دي
سبقت عدونا ع اليمة دي
وصراخها الجاي الناحية دي
'لموا الشمل'
المرة دي طلعت قوية مكانتش مستخبية
صرخت وسط الافندية
لماوصلت ارض الكنانةالعربية
صرخت صرختها القوية
لموا الشمل يا افندية
ردوا عليها:
شمل مين يا حمامتنا
احنا ١٠٠ تيار و دي خيبتنا
وتقولي شمل اااه ياوكستنا
رجعت حمامتنا تصرخ و تبكي
ع اللي صابنا تقول و تحكي
و بقت حكايتنا تتحكي
و ف كل بلد تتقري
حمامتنا تعبت صراخ بكا
تحكي ع مصر و تبكي ع ولادها بكا
تعبت و زهقت من كتر الندا
عدونا المجنون
المعلوم لينا الملعون
صاب حمامتنا بطاعون
تنام منه و لا تقوم!!!
و نامت حمامتنا من غير م توصل رسالتها
هتصحي تاني ياااااا عالم!!!
ليست هناك تعليقات:
إرسال تعليق