تعالوا احكي لكم حكاية عم جميل
عم جميل راجل غلبان
من بلد بقي لها 7000 سنة بتتسرق و تتنهب
و الغريب انه لسة لاقي ياكل
عم جميل مخدش من الجمال غير اسم حتي راحة البال مش طايلها
كل اما يقول خلاص يلاقي لسة بدري
حلمه جميل زي اسمه
بس هو تعب اوي
بص ف وشه شايف ....شايف ايه طيب؟
تعب و جهد و عناد و ابتسامة جمييييييلة و طيييييبة
تخيل عم جميل لسة بيبتسم
يااااااااااااااااه تفتكروا هيفضل كدة ل امتي ؟
عم جميل اللي الجمال ملوش عنوان غير ابتسامته
اكيد هييجي عليه يوم و يزهق
طب و اولا و احفاده
هتفضل معاهم الابتسامة و لا عم جميل مش هيسيب لهم غير اليأس
اااااااااااااااااااااه ياااااااااا بلد فيكي الجمال اسم و الحزن عنوان
يا رب تكونوا عرفتوا مين هو عم جميل
يا رب عم جميل يفضل محافظ علي ابتسامته و يحقق حلمه بقي
هو حلمه كبير عليه
يا ريت اللي فهمني يرد عليا
هو الحلم كبير علينا و لا ايه ؟!!!!!
الخميس، 23 أبريل 2015
عم جميل
الاشتراك في:
تعليقات الرسالة (Atom)
ليست هناك تعليقات:
إرسال تعليق