حوا و أدم
ادم جنة و حوا جنان
لو ركزنا العكس يبان
و لا ينفعش تقول تعبان
اصل الرك ع الفنان
وسوس هنا و هناك بجنان
فوق ركز الاتنين انسان
ادم جنة و حوا جنان
لو ركزنا العكس يبان
هما مثني مش اوهام
هي و هو مش احلام
و هو و هي وشين لكيان
ركز فوق الاتنين انسان
مش وقت اما تحب الفرق يبان
و النقص يقب ف قرصة تعبان
او تفاحة متعاصة افنان
و خداع شيطان ملعون من زمان
هي و هو مش اوهام
اصل العيشة ف كل مكان
بس سواعي جدع ميال
و يربي معاها كمان اجيال
و هي بتسند كل مجال
ركز فوق دول هما كيان
هما مثني لكن انسان
لاهو تفاحة و لاهي تعبان
صهلل صحصح الاصل يبان
هو خليفة و هي شريكة
هو يعمر و هي عظيمة
واقفة وراه و ف وشه مقيمة
مستنية عليها القيمة
ع سنجة10 مش لئيمة
ادم جنة و حوا جنان
لو ركزنا العكس يبان
وش ف وش دول انسان
مش بالكدب عشان بيبان
هو و هي وشين لكيان
و وش واحد ساعات بيبان
ادم جنة و حوا امان
ماهيش جنان
دي نص كيان
و نص حلو مهوش ثعبان
يا رب نفهم يا بني الإنسان !!
ليست هناك تعليقات:
إرسال تعليق