ورد بكر

شفت نفسي خارجة من هنا
زعلت و حزنت حسيتني مش انا
بقي اسيب دنيا كلها هنا
خضرة و زرع و امل و مني
و فرح الدنيا كله هنا
حلمي هنا
املي هنا
بردو سيبته و جريت انا
رحت هما و هنا و هنا
لقيتني سبت دنيا زايفة متغمزة هنا و مني
جريت انا و بعدت
سبت الغنا و الزيف و بعدت
اصلي نفسي الاقي الامل متهني
اتاريه لابس ورد و راسم احلي عطر
الامل معطر نفسه و شايل بالفطرة وردة بكر
عصافيره ندهت عليه و صمتت بعد نفاذ كل العطر
و لقيت الناس سايبة العطر البكر و ماسكة المكر
تهت في دنيا تانية و لقيتها كلها فكر في فكر
ف الاخر قررت ارجع مكان م خرجت
بس قررت اخد معايا الورد البكر
و فطرة كل عطر
و اخد معايا كمان كل فكر يبني ف الفكر فكر