كلام الناس

خرجت من القالب ...خرجت من البرواز
ايوة خرجت و لازم يكون في وسواس
وسواس يقول اني غلط و بعيدة عن الناس
خرجت و مش عايزة ابقي زيهم عايزة المس الاحساس
مش عايزة كل م عقلي يفكر اغمي عنية عنه بضربة فاس
مش عايزة استسلم لوسواس عشان هو داير ف كاس
مينفعش اشرب منه و لا اعمل له عقلي و قلبي مداس
سم و داير في كاس بيموت الاحساس...بيقتل حضارة ناس
ناس حتي لو جت تفكر و تخرج من البرواز
هتفكر الف مرة ان متعلق ع رقبتها فاس
اسمه كلام الناس
قررت اخرج من البرواز
و امسك الفاس
و احاول اهد بيه وسواس
اسمه كلام الناس