انت تقدر!

مش عارف تفكر ..مش عارف تقرر .. متضايق ... زعلان .. مش قادر .... لا لا لا بلاش مش قادر دي ... اصل انت تقدر ... انت بس مش عارف تستغل قدراتك .... او قدراتك نايمة شوية.... عارف انت لو صحيتها و اتكلمت معاها.... اه متستغربش اتكلم مع قدراتك ... خاطب عقلك..... صدقني هتبدعوا سوا... بس بلاش مش قادر ... اصلا الكلمة دي بتنيم قدراتك ... و احنا عايزين نصحيها كدة و نصالحكم ع بعض  .... قول انا اقدر عارف الكلمة البسيطة دي هي اللي هتطلع الابداع كله ......اتفقنا مفيش مش قادر :))) خايف ... ماشي... لازم تخاف ... اصل انت بشر.....بس في خوف بيقوي و بيطلع اللي جواك....خليك بقي مع ده .....اصل الخوف التاني ده ....بيكبت قدراتك.... بيخوفها تطلع....
هتتهاجم ..جايز....يمكن.....ايه يعني.....م انت لو متهاجمتش.... مش هتقدر تدافع....و بعدين اصلا الهجوم ف حد ذاته مش عيب ده ميزة .....اه و الله متستغربش ....الهجوم او النقد بمعني اصح..هو اللي هيشغل قدراتك عشان تدافع عن ابداعك.
يعني .. خاف .. عيش ..هاجم .. دافع... احلم ...اه احلم
صدقني مش عيب ....العيب هو مش قادر
وحشة اوي الكلمة دي ...مش هتطلع غير خوف
يعني و لا هجوم و لا دفاع و لا حلم
بمناسبة الحلم صحيح .....محدش يقول لي معنديش احلام اصلا كل واحد فينا في ف دماغه غرفة كدة كاملة للاحلام... مش مصدقني طب غمض عينيك كدة .....فكر في اي حاجة و لو بسيطة.... بابا ماما اخوك اختك صحابك حبايبك حتي نفسك......اي شخص من دول هتطلع له امنية او حلم من الغرفة بتاعة الاحلام اللي انت قافلها....افتحها بقي و النبي :))))))))